Euri zaparrada mardulenak goizean botako ditu, non nahiko etengabe egingo duen. Arratsaldean tarte-katuagoak eta ahulagoak izango dira, baina ez du erabat atertzerik lortuko. Ipar-mendebaldeko haizea bizi ibiliko da eta tenperatura balio altuenak ez dira 11-12 gradutik pasako.
Larunbatean giro egonkor eta lasaia egongo da. Hego-haizea bueltan izango dugu eta horrekin, batetik tenperatura igo egingo da, eta bestetik giro lasaia izango dugu. Goizean hodei baxu batzuk eta ondoren tarteka goi-hodeiren bat edo beste agertu arren, hauek ez diote trabarik egingo eguzkiari eta eguraldi eguzkitsua izango dugu. Tenperatura balio altuenak igo egingo dira eta 16-18 graduan joko dute goia.