Goizean ez du euri askorik egingo, orokorrean zaparrada tartekatuak eta ahulak izango direlarik. Arratsalde erditik aurrera ordea zaparradak ugaritu egingo dira eta mardulago egingo du. Haizeak mendebal/hego-mendebaldetik joko du eta tenperatura balio altuenak 13-15 graduan errendituko dira.
Bihar kaskarretik hasiko dugu eguna, baina orduek aurrera egin ahala hobetuko du. Goizaldean eta goizean euri zaparrada batzuk izango dira. Eguerditik aurrera ordea, atertu eta ostarte batzuk zabalduko dira. Haizeak mendebaldetik joko du eta tenperatura balio altuenak pare bat gradu jaitsiko dira, 11-13 graduan joaz goia. Goizaldean elur-maila 1.000 metroan egongo da, baina ondoren gora egingo du.
