Arratsaldean pixkanaka euria gutxitzen joango da, egun amaierarako ateri geratuko delarik. Haizeak mendebaldetik joko du eta tenperatura balio altuenak beste koskatxo bat igoko dira, 14-15 graduan joaz goia.
Giro epela eta argia izango dugu bihar. Egun osoan zehar goi-mailako hodei batzuk ikusiko ditugu, zeruari kolore zurixka emanez, baina ez dute bestelako ondoriorik izango eta giro argia eta polita izango dugu. Haizeak hego-mendebaldetik tarteka bizi joko du eta tenperatura balio altuenek gora egingo dute, 17-18 graduan joko dutelarik goia.
