Arratsaldean hodeitza trinkotuko da eta euri tantaren bat eroriko da. Hala ere, oso gutxi botako du eta orokorrean giroa lasaia izango da. Haizeak hegotik zakar joko du eta tenperatura balio altuenak 12-14 graduan errendituko dira.
Kaskartzera egingo du eguraldiak bihar. Goizean hego-mendebaldeko haizearekin giro nahiko lasaia izango dugu. Erdi eta goi-mailako hodei asko agertuko da, baina orokorrean ateri eutsiko dio. Arratsaldean haizeak mendebal/ipar-mendebaldera egin, hodeitza trinkotu eta euritara joko du, tarteka zaparrada batzuk izango ditugularik. Termometroek gora egin eta balio altuenak 14-16 graduan errendituko dira.