Zeruan hodeiak eta ostarteak tartekatuko dira, hodeitza trinkoagoa izango delarik arratsaldean. Hala ere, ez da euririk espero. Haizeak ipar-ekialdetik bizi joko du eta tenperatura balio altuenak ez dira 4-5 gradutik pasako, ordu gehienetan hortik behera kokatuz.
Bihar berriz ere negu beteko giroa izango dugu. Goizean zerua oso hodeitsu agertuko da baina giroa lasaia izango da. Eguerditik aurrera ordea, barnealdetik hodeitza trinkoagoa sartu eta prezipitazioa iritsiko zaigu. Egiten duen guztia elurretan botako du, nahiz eta, ez den espero zentimetro asko pilatzerik. Haizeak ipar-ekialdetik joko du eta tenperatura balio altuenak ez dira 3-4 gradutik pasako.