Goizean oso gutxi izango da, baina eguerditik aurrera fronte bat sartu eta euritara nabarmenago joko du, non tarteka mardul botako duen. Haizeak mendebal/ipar-mendebaldetik joko du eta tenperatura balio altuenak ez dira 9-10 gradutik pasako. Elur-maila 1.000 metrotan kokatuko da orokorrean, baina ilunabar-gau partean 700-800 metrotara jaitsiko da.
Bihar giro hotza izango da nagusi. Ipar/ipar-ekialdeko haizea nagusituko da eta horrek hotz handia ekarriko du. Tenperatura balio altuenak ez dira 6-7 gradutik pasako. Hodeitza trinkoa izango da eta tarteka euri pixka bat egingo du, aukera handiagoz goizean. Botatzen duena, 500-600 metrotik gora elurretan izango da.