Eguerditik aurrera erdi eta goi-mailako hodeiak ugaritzen joango dira, baina ez dute bestelako ondoriorik izango eta eguraldi argi eta lasaiarekin jarraituko dugu. Haizeak hegotik joko du, egunaren bigarren zatian bizi samar eta tenperatura balio altuenak igo egingo dira, 13-15 gradu bitartean joaz goia.
Astea euriarekin hasiko dugu. Egunaren lehen zatian euri zaparrada batzuk izango dira. Eguerditik aurrera atertu eta ostarte batzuk zabalduko dira, arratsaldea giro lasaiarekin izango garelarik. Haizeak goizean ipar-mendebaldetik joko du, arratsaldean hego-mendebaldetik finkatuko delarik. Tenperatura balio altuenak antzeko balioetan mugituko dira, 13-15 gradu bitartean joaz goia.