Euri zaparradaren bat sartu daitekeen arren, orokorrean giro ateria izango da egun osoz. Haizeak mendebaldetik joko du eta tenperatura zertxobait igoko da, balio altuenak 10-11 graduan errendituz.
Bihar berriz negu bete-beteko giroa izango dugu. Fronte bat sartuko zaigu goizaldean eta goizean euria mardul eta nahiko sarri izango dugu. Arratsaldean zaparradak tartekatuagoak izango dira baina oraindik tarteka mardul botako du, ekaitzak jo eta kazkabar txikia botatzea baztertu gabe. Haizea mendebaldetik zakar ibiliko da eta tenperatura maximoak jaitsi egingo dira, eguneko erdiko orduetan 5-7 graduan joaz goia. Elur-maila goizean 800 metrotan egongo da, arratsaldean 400-500 metrotara jaitsiko delarik.