Euri gehien goizean eta eguneko erdiko orduetan botako du, non tarteka zaparrada mardulen bat edo beste izango den. Azken orduetan atertzeko joera hartuko du. Haizeak iparraldetik bizi joko du eta termometroak ez dira 8-9 gradutik pasako. Elur-maila 800-900 metrotan kokatuko da.
Bihar giro lasaiagoa izango dugu. Zerua orokorrean oso estalirik agertuko da egun osoz, nahiz eta, tarteka ostartetxoren bat zabalduko den. Euri zaparradaren bat sartu daitekeen arren, orokorrean giro ateria izango da egun osoz. Haizeak mendebaldetik joko du eta tenperatura zertxobait igoko da, balio altuenak 10-11 graduan errendituz.
