Eguerditik aurrera erabat atertu eta ostarte batzuk irekiko dira. Haizeak goizean ipar-mendebaldetik joko du, arratsaldean ipar-ekialdetik finkatuko delarik. Tenperaturak behera egingo du eta balio altuenak ez dira 11-13 gradutik pasako.
Eguraldi atsegina baina freskoa. Goiz oso hotz baten ostean, egunean zehar zeruan urdina nagusituko da eta eguzkiaz eta giro argiaz gozatzeko aukera izango dugu. Haizeak ekialdetik, ahul joko du eta tenperatura balio altuenak zertxobait igoko diren arren, giro freskoarekin jarraituko dugu, non balio altuenak ez diren 13-14 gradutik pasako.
