Arratsalde erditik aurrera goi-hodeiak ugaritzen joango dira mendebaldetik, zerua estali samarrik utziko dutelarik. Egunaren azken orduak arte hego-mendebaldeko haizea bizi ibiliko da. Azken orduetan ipar-mendebaldera aldatuko da. Termometroek gora egin eta maximoak 20-21 graduan joko dute goia.
Giro kaskarra izango dugu bueltan. Fronte batek hodeitza handia utziko digu lehen orduetatik. Goizean euri zaparrada batzuk izango dira, non tarteka mardul xamar botako duen. Eguerditik aurrera askoz euri gutxiago izango da eta gainera ostartetxo batzuk ere zabalduko dira. Haizeak iparraldetik bizi joko du eta tenperatura maximoak nabarmen behera egingo du, 13-14 graduan joko duelarik goia.
