Eguerditik aurrera hodeitza trinkotu egingo da eta euritara joko du. Euri gutxi botako du, baina zaparradaxka modura zer edo zer bustiko du arratsalde osoan zehar. Haizeak hego-mendebaldetik joko du eta tenperatura balio altuenak 18-20 graduan geratuko dira.
Bihar hobetzera egingo du eguraldiak. Goizean oraindik giroa tristea izango da. Hodei tapakia handia izango da eta euri-langar pixka bat ere egingo du. Eguerdirako atertu eta arratsaldean ostartetxo batzuk zabalduko dira. Haizeak aldakor joko du, beti ere hego-puntutxo batekin eta tenperatura zertxobait jaitsiko da, balio altuenak 16-18 graduan utziz.