Euri gehien goizean botako du, non zaparrada mardulak izango diren eta nahiko sarri. Arratsaldean aldiz ahulago eta tartekatuago botako du. Haizeak ipar-mendebaldetik zakar joko du eta termometroak ez dira 11-12 gradutik pasako.
Bihar giro hotza eta kaskar samarra izango dugu. Hodeitza handia izango da berriz ere, nahiz eta, ez den asteartean bezain hodeitsu egongo eta tarteka zaparrada batzuk izango ditugu egunean zehar. Hala ere, euri gutxi botako du. Haizeak ipar-ekialdetik bizi joko du eta termometroak beste koskatxo bat jaitsiko dira, maximoa 10-11 graduan geratuz. Botatzen duena 1.100-1.200 metrotik gora elurretan izango da.
