Arratsaldean, aurreko egunekin alderatuta, goi-hodei gehiago agertuko da eta zerua kolore zurixkarekin egongo da, baina hodei hauek ez dute bestelako ondoriorik izango eta giro lasaiak jarraipena izango du. Haizeak hego-mendebaldetik ahul joko du eta tenperatura balio altuenak 22-23 graduan errendituko dira.
Aldaketak nabarituko ditugu astelehenean. Goizean goi-hodei dezente agertu arren, giro argia eta lasaia izango dugu. Arratsaldean hodeitza trinkotzen joango da eta eguna amaitzerako zerua estalirik geratuko da, azken orduetan zaparradaren bat botatzea baztertu gabe. Haizeak goizean hego-mendebaldetik joko du, arratsaldean ipar-mendebaldetik finkatuko delarik. Tenperatura zertxobait jaitsiko da, maximoa 19-20 graduan errendituz.