Goiz hotz baten ostean, zerua ez da erabat garbi geratuko, tarteka goi-hodei batzuk ikusiko ditugulako, baina hodei hauek ez diote eguzkiari trabarik egingo eta giro eguzkitsuaz gozatu ahalko da egun osoz. Haizeak goizean hego-ekialdetik joko du, arratsaldean ipar-ekialdetik finkatuko delarik. Tenperatura igo egingo da eta balio altuenek 15-17 graduan joko dute goia.
Giro egonkorra eta are epelagoa izango dugu bihar. Berriz ere goiz hotza izan ondoren, zeruan goi-hodei batzuk ikusiko ditugu, baina eguzkiari batere trabarik egin gabe. Gainera hodei horiek ez dira ugariak izango beraz, egun osoz giro eguzkitsua izango dugu. Haizeak ekialdeko ukitua izango du eta tenperatura balio altuenak igo egingo dira, goia 16-18 graduan joaz eguneko erdiko orduetan.