Argitzera egingo du eguraldiak

Erabiltzailearen aurpegia

Egunsentian oraindik euri tantaren bat eroriko da, baina goizean bertan atertu eta ostarteak zabaltzen hasiko dira, arratsaldean giro nahiko polita geratuko zaigularik.

Haizeak aldakor joko du, arratsaldean ekialdetik finkatuko da. Termometroek zertxobait gora egin eta balio altuenak 13-14 graduan geratuko dira.

Bihar ere giro eguzkitsu eta lasaia izango dugu aspaldiko partez. Goiz hotz baten ostean, zerua ez da erabat garbi geratuko, tarteka goi-hodei batzuk ikusiko ditugulako, baina hodei hauek ez diote eguzkiari trabarik egingo eta giro eguzkitsuaz gozatu ahalko da egun osoz. Haizeak goizean hego-ekialdetik joko du, arratsaldean ipar-ekialdetik finkatuko delarik. Tenperatura igo egingo da eta balio altuenek 15-17 graduan joko dute goia.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!