Gainera hego-mendebaldeko haizea ibiliko da eta horrekin tenperatura atsegina izango dugu, balio altuenak 19-20 graduan geratuko dira. Arratsaldeko lehen ordutik aurrera, haizeak ipar-mendebaldera egin eta hodeitza trinkotzen hasiko da, egun amaierarako zerua estalirik geratuko da. Azken orduetan euri-langar pixka bat egingo du.
Giro kaskarra izango dugu bihar. Goizean sartuko den fronte batek zeru estalia eta euria utziko dizkigu. Zaparradak mardulak eta ugariak izango dira egunaren lehen zatian. Ondoren frontea pasa ostean, ostarte batzuk ikusiko dira tarteka eta giro lasaiagoa geratuko zaigu, nahiz eta, tarteka zaparradaren bat edo beste bota. Haizeak ipar-mendebaldetik zakar xamar joko du eta tenperatura balio altuenek koska polita behera egingo dute, 15-16 graduan joaz goia.