Eguerdi/arratsaldeko lehen ordutik aurrera haizeak mendebaldeko ukitua hartu eta hodeitza trinkotu egingo da. Arratsaldean zehar zaparrada ahulen bat edo beste izango da. Tenperaturak gora egin eta maximoak 20-21 graduan kokatuko dira.
Alderantzizko joera emango da bihar. Goizean fronte txiki baten eraginpean izango gara eta horrekin hodeitza handia eta euri zaparrada batzuk izango dira. Ez du euri asko botako baina goiza tristea izango da. Arratsaldean pixkanaka atertzeko joera hartuko du eta eguna amaitzerako ostarte batzuk irekiko dira. Haizeak goizean mendebaldetik joko du, arratsaldean aldiz hego-mendebaldetik eta tenperatura maximoak antzeko balioetan mugituko dira, 20-21 graduan geratuz.