Arratsaldean zaparradak urriagoak eta tartekatuagoak izango dira, baina ez du erabat atertuko eta giro tristearekin jarraituko dugu. Haizeak mendebaldetik zakar jotzen jarraituko du eta 13-14 graduan kokatuko dira balio altuenak.
Euri giroarekin jarraituko dugu astelehenean, nahiz eta, ez den hainbeste egiterik espero. Zaparrada batzuk izango dira egunean zehar, baina ez dira oso mardulak eta ugariak izango eta tarteka une lasai batzuk izango dira. Haizeak mendebaldetik joko du, baina indarra galduko du eta tenperatura maximoa igo egingo da, 16-17 graduan joaz goia.