Eguerdirako garbitu eta giro eguzkitsua nagusituko da arratsalde osoan. Haizeak ipar-ekialdetik joko du eta tenperatura balio altuenak zertxobait igoko dira, 27-28 graduan joaz goia.
Bihar ere giro eguzkitsua nagusituko da. Aurreko egunetan bezala, goizean goizetik giro eguzkitsua izango da eta eguzkiak gogotik berotzeko aukera izango du. Arratsalde partean goi-hodeiren bat edo beste ikusiko da, baina ez dute garrantzirik izango. Haizeak goizean hegotik joko du, baina arratsaldean ipar-ekialdetik finkatuko da. Termometroek gora egin eta balio altuenak 28-29 graduan joko dute goia.