Giro eguzkitsua eta are beroagoa izango dugu gaur. Goizean goizetik zeru urdina nagusituko da eta egun osoz halaxe mantenduko zaigu. Haizeak ipar/ipar-ekialdeko ukitua izango du eta tenperatura maximoa koska pare bat igoko da, eguneko erdiko orduetan 26-27 graduan joaz goia.
Bihar giro eguzkitsu eta egonkorrarekin jarraituko dugu. Goizean hodei batzuk agertuko dira eta zerua ez da aurreko egunetan bezain argi agertuko. Hala ere, eguerdi, arratsaldeko lehen ordurako garbituko du eta arratsaldean giro eguzkitsua nagusituko da. Haizeak iparraldetik joko du eta termometroak antzeko balioetan mugituko dira, maximoa 26-27 gradu bitartean errendituz.