Eguna amaitzean hodeitza are gehiago trinkotuko da eta ez da baztertzen euri-langar pixka bat egitea. Haizeak ipar-mendebaldetik joko du eta tenperatura maximoa asko jaitsiko da, goia 20-22 gradu bitartean joaz.
Bihar ere giro freskoa eta tristea nagusituko da. Egun osoz zeruan hodei tapaki handia izango dugu, egunaren hasieran eta amaieran zerua estalirik agertuko delarik. Une horietan euri-langar pixka bat izango da, baina oso gutxi botako du. Ipar-mendebaldeko haizearen eraginpean jarraituko dugu eta tenperatura maximoa are gehiago jaitsiko da, 18-19 graduan joaz goia.