Bero egingo du gaurkoan ere. Haizeak goizean hego ukitua izango du, arratsaldean ipar-mendebaldetik finkatuko delarik, eta tenperatura maximoa asko igoko da, 32-34 graduan joko duelarik goia. Arratsaldean ipar-mendebalarekin freskatuko du, hala ere.
Biharkoan askoz giro freskoagoa izango dugu. Goizean goizetik giro estaliagoa izango dugu. Zerua ez da erabat estalirik mantenduko, baina orokorrean hodeiak nagusituko dira. Eguna amaitzean hodeitza are gehiago trinkotuko da eta ez da baztertzen euri-langar pixka bat egitea. Haizeak ipar-mendebaldetik joko du eta tenperatura maximoa asko jaitsiko da, goia 20-22 gradu bitartean joaz.