Goizean goizetik zerua ia erabat urdin agertuko da, nahiz eta tarteka goi-hodeiren bat edo beste ikusi. Haizeak goizean hego-mendebaldetik joko du, arratsaldean ipar-ekialdetik finkatzeko eta tenperatura maximoa igo egingo da, 27-28 gradu bitartean joaz goia.
Bihar ere bero egingo du. Goizean goizetik hasi eta eguna amaitu bitarte, giro urdin eta eguzkitsua izango dugu. Haizeak goizean hego ukitua izango du, arratsaldean ipar-mendebaldetik finkatuko delarik. Tenperatura maximoa asko igoko da, 32-34 graduan joko duelarik goia. Arratsaldean ipar-mendebalarekin freskatuko du.