Bihar, egunaren lehen zatian espero ditugu euri zaparrada handienak, baina, egun osoan zehar euritan jarraituko dugu. 13-15 graduko maximoak izango ditugu.
Igandean, tenperatura antzeko balioetan ibiliko da, zeruan hodei dezente pilatuko zaizkigu, eta badirudi goizean egingo duela euri gehien.
Datorren asteari begira, astelehenean giro nahasiarekin jarraituko dugu. Tenperaturak zertxobait epelduko zaizkigu, eta hori izango da joera astean zehar. Hori bai, pilatutako beroaren eraginez, egunero ezegonkortasuna izango dugu, eta ekaitzetarako aukera egongo da.