Galtzaundiren Hitzez Hitz atalean Igor Agirrek mintzalagunak kanturako nola elkartu diren eta maiatzean bigarren kantu saio bat egingo dutela kontatu digu, atzo Ibarrako Galtzaundiren tabernan izandako bertso saioaren berri eman digu, eta Librezale elkarteak sustatutako Common Voice ekimenaren berri eman digu. Azken hau gailu teknologikoek euskara uler dezaten abian jarritako ekimena da. MIlaka euskaldunen laguntza behar da, datozen hilabeteetan euskarazko ahotsez osatutako 10.000 ordu grabatzeko. voice.mozilla.org/eu helbidean sartuta egin daiteke.
Halaber, errenta aitorpena euskaraz egiteak duen garrantziaz aritu zaigu, eta nola egin ere kontatu digu.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!
