Ez dugu inolaz ere alkatearen erantzun edo agindua ulertzen. Nola da posible Korrika bezalako euskararen aldeko ekimen erraldoi eta anitzaren kartel eta plastikoak zentsuratu nahi izatea?
Badirudi egungo udal agintariak, Billabona, Euskal Herri osoan Korrikako propagandarik gabeko herri bakarra izatea nahi duela. Benetan lotsagarria.
Gainera ostiral gauean, udaleko agintariek inolako erreparorik gabe Korrikako lekukoa eramango dute. Lehenik propaganda jartzea galarazi edo zentsura ezarri, eta ondoren lekukoarekin korrika atera? Azalpen logikorik ez duen kontraesan galanta iruditzen zaigu.
Amasa billabonatar guztion ordezkari nagusia izanik, Maite Izagirre alkateari azalpenak ematea eskatzen diogu.
Mozalik ez! zentsurarik ez!
Atzo, herriko Korrika Batzordeko kide batek jakinarazi zigunez, Korrika Batzordetik udalari Korrikako propaganda jartzeko baimena eskatu zioten eta Maite Izagirre alkateak pertsonalki ezetz erantzun zuen. Beraz, udalak Korrikako plastikoak eta kartelak jartzea debekatu du!
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!