Begiratu azkarra eginda, bihurria izango den itxura du gaurko etapak. Lehen zatiak ez du aparteko zailtasunik, baina 92. kilometrotik aurrera, Villabonatik (Gipuzkoa) lehen aldiz igarota, koska labur eta tente ugari ageri dira elkarren segidan. Deigarriena, dena den, bukaerako aldaparen inklinazioa da. Beltzez dago koloreztatuta ibilbidearen marrazkian, eta zifra bat du gainean: %26. Pendiz horrekin, horma bat izan behar du, malda bat baino gehiago. Literalki eskalatzaile izan beharra dago helmugara iristeko, edo ez da dirudien bezain gogorra? Eta nolakoak ote dira aurrez igo beharreko muinoak? Jakiteko, onena, bizikleta hartu eta azken 60 kilometroak bertatik bertara ezagutzea da.
Villabonako (Gipuzkoa) kanpoaldean hasten da lehen igoera pikoa, baina Tolosatik abiatu naiz, ordekan kilometro batzuk eginez gorputza berotzeko. Txirrindulariak Asteasutik iritsiko dira Villabonara, eta, han tarteko helmugan lehiatu ondoren, Sarasola sagardotegirantz doan aldapa igotzeari ekingo diote.
Jarraitu irakurtzen Berria.eus webgunean.