Maria Cerezuela ezusteko emakumezko aktorerik onena, Urko Olazabal taldeko aktorerik onena, Blanca Portillo emakumezko aktorerik onena. Hiru sari horiek jaso ditu bart Iciar Bollainen Maixabel filmak, Goya sarietan. Aurtengoan ohikoaren itxura handiagoa izan du sari banaketak, eta Valentzian (Herrialde Katalanak) izan zen, besteak beste, Maixabel Lasa bera ere.
Cerezuela eta Olazabal, ordea, ez dira izan sariren bat jaso duten euskal herritara bakarrak: Kiko de la Ricak jaso du argazki zuzendari onenaren saria, Mediterraneo filmean egindako lanagatik. Bilbotarrak sari hori jaso duen bigarren aldia da.
Hogei saritik hiru eskuratu ditu Maixabel-ek (hamalau sailetan zegoen izendatuta), sari gehien jaso dituenak baino hiru gutxiago: Fernando Leon de Aranoaren El Buen Patron izan da ekitaldiko protagonista nagusia.
Maixabel-en egindako lanagatik saritu dituzten hiru aktoreek hartu dute hitza saria jaso ostean. Cerezuela izan da oholtzara igotzen lehenengoa, eta, besteak beste, Maria Jauregiri eskeini dio garaikurra. Gasteiztarrak haren papera egiten du filmean: «Hau beragatik eta beretzat da», esan du. Gehitu du filma «erabat beharrezkoa» dela, eta berari bizitza aldatu diola.
Jarraitu irakurtzen Berria.eus webgunean.
