Hemizikloan hutsik egon den eserlekuan eseri da gaur, berriz ere, Pili Zabala Elkarrekin Podemoseko legebiltzarkidea. Lehendakarigai izan zen, eta legebiltzarkide izan ostean eman zioten gaixotasunagatiko baimena.
Zabala legebiltzarretik kanpo egon den bitartean 74 legebiltzarkide egon dira lanean, eta Ahal Dugu-k bat galtzeak, indar harremanak orekatzea ekarri zuen. Eusko Jaurlaritza osatzen duten EAJ eta PSEk 37 ordezkari dituzte legebiltzarrean, eta bost hilabete horietan, beste hainbeste izan dituzte gainerako indar politikoek ere. Gaurtik aurrera, berriz ere, bat gehiago dira gainerakoak.
