Amezketan, berriz, talai dantza berreskuratu zeneko 50. urtea izaki, 80 bat laguneko kuadrilla galanta, lehenago ibilitakoak eta oraingoak, elkartu da herri-sarreran. Handik plaza aldera egin dute geldiuneak eginez eta talai dantza dantzatuz eta makilak astinduz. Herriko seme Koldo Saralegi gogoan izan dute, duela 5 urte joana eta talai dantza berreskuratzen lan handia egin zuena.
Urtero bezala, baserriz baserri eta etxez etxe ibili dira txantxo eta talai dantzariak Abaltzisketan eta Amezketan. Garai bateko iñauterietako tradizioari jarraituz, kuadrilla ederra atera da Abaltzisketa herrian: hamar dantzari, bi soinujole, bi mozorro eta saskia daramana. Guztiak gazteak, sasoi ederra eta umore ona.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!