Zazpi harri-jasotzaile plazaratu dira guztira. Magunazelaiaz gain, bertan izan dira Gari Garmendia eta Xabier Aranburu Guzta izaldarrak, Jon Unanue azkoitiarra, Urizaharreko Julen Diaz, Aimar Galarraga Oriokoa eta Sergio Mielgo madrildarra. Lehen bideo honetan, 200 kiloko laukizuzenarekin eta 175 kiloko zilindro edo koparekin egin duten lana duzu ikusgai.
Urdax Magunazelaia abadiñarrak, nagusitasun osoz, irabazi du Asteasun jokatu den Euskadiko Harri Handien Txapelketa. Faborito argi bat zegoen, Urdax Magunazelaia. Sekulako erakustaldia egin du, eta marka berria ezarri du, 10.150 kilo jasoaz. Lau harri izan dituzte jokoan: 200 kiloko laukizuzena, 175 kiloko zilindroa edo kopa, 150 kiloko kubikoa eta 125 kiloko bola. Jasoaldi gehien eman ditu harri guztiekin, bigarren sailkatuari tarte handia ateraz.
Erlazionatuak
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!