Ibilbidea egin da herrian barrena eta bidean zehar azalpenak eta antzerki esketxak izan dira: txingurrien hanka-hotsak, Pitxita eta bere burua errekara bota. Antzerkiaz gainera, bertsotan aritu dira Bixente Gorostidi herritarra eta Anjel Mari Peñagarikano Pernandoren omenez. Mikel Arteaga alkateak transmisioaren garrantzia ekarri du gogora, eta jarraian, garaiko erretorea eta meza-laguntzailea agertu dira balkoian. Antzerki esketx baten bidez jarri diote izen berria kultur etxeari: Pernando Amezketarra Kultur Etxea. Hori guztia lehen bideo honetan.
Pernando Amezketarra hil zela 200 urte bete dira joan den uztailean eta horren harira, Pernando Amezketarra Eguna ospatu dute bere herrian. Berrehun urte igaro badira ere, oso presente dago bertsolari eta zirtolari ezaguna nonahi eta Amezketan batik bat.
Erlazionatuak
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!