Bertso Olariak elkarteak sustariko bertso emanaldia burutu dute Legazpin, bertako ez-jaien egitarauaren barnean. Ane Zuazubiskar, Aitor Sarriegi, Ane Labaka eta Sustrai Colinak Mikele Arizkorreta gai jartzailearen gidaritzapean jardun dute Agirre-Etxeberri toki zoragarrian. Ordu eta erdiko saioan era askotariko gaien inguruan aritu dira bertsolariak.
Honako gai hauek agertuko dira lehen bideo honetan:
a- (4:57) Laurak batera: musika-eskolako ikasleak dira eta gela banatan ari dira instrumentuarekin lanean. Baina alboko gelako zarata dela-ta, ezin dute fundamentuzko entsaiorik egin.
b- (11:38) Sarriegi eta Labaka: errenta-aitorpena egiten dihardute. Azken gelaxkara heldu dira eta hau da galdera: nori egingo diozue 0,7ko ekarpena, elizari, elkarte sozialei, biei, bati ere ez?
d- (17:00) Zuazubiskar eta Colina: Ane kazetaria da eta Sustrai kazetari jubilatua. Elkartzen diren bakoitzean, Colinak zera esaten dio: orain zuen lana oso erraza da, gure garaian… puf! Zuenak ez du meriturik.
e- (25:06) Ane Labaka: berak “Algara mutilatuak” liburua argitaratu berri du. Zer dira “Algara mutilatuak”?
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
