Nafar doinu batekin hasten da bigarren bideo hau. Miren eta Xanti Nazabal herritarrek fandangoa eta arin-arina dantzatu dituzte Minerren biolinari jarraiki. Behin Zigor Sagarna oholtzaratuta Aintzina folk taldea daukagu gure aurrean. Arantzazura nijuanian eta Deserturra abestiak eman dizkigute. Turlach izeneko laku bitxi batzuk daude Irlandan, euria egiten duenean hutsik egotetik ziztu bizian bete daitezkeenak eta hortik hartu dute izena. Azken urteotan, Hernaniko Kixkal tabernan aritu dira hilean behin, ostegun gauetan.
Turlach taldea Juanjo Otxandorena hernaniarrak, Arkaitz Miner errenteriarrak eta Alan Griffin irlandarrak osatzen dute. Emanaldian, ordea, herriko Iraide Ansorena perkusionista batu zaie. Irlandako doinu eta abesti tradizional eta Eskoziako molde zaharreko konposizio berriak jotzen dituzte.
Erlazionatuak
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!