Oviedoko Musika Kontserbatorioan lizentziatu zen biolontxelo irakasle gisa. Asturianadari buruzko doktore tesia garatu zuen Oviedoko Unibertsitatean. Asturiasko folk eta musika tradizionalaren erreferentzi gorena da Braga. Zazpi disko argitaratu ditu. Proiektu ugari sortu ditu eta beste hainbatetan parte hartu du ere. Tolosan izan da Tolofolk jaialdiak gonbidatuta. Perkusioan Iraide Ansorena tolosarra izan du alboan. Dozena erdi bat pieza jasotzen dira bigarren bideo honetan: asturianadak, erromantzeak, gaita, zarrabetea, harpa…
Kantautore eta musikologoa dugu Hector Braga asturiarra, eta instrumentu bat baino gehiago jotzen ditu. Ahotsaz gain, harpa, zarrabetea, biolina, gaita eta biolontxeloa jotzen ditu. Langreoko Kontserbatorioan egin zituen ikasketak eta geroztik bere lurraldeko herri-musika jaso, aztertu eta dibulgatzen dihardu.
Erlazionatuak
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!