Egaña kanpora joan da zigarroa erretzera bi-hiru alditan eta Soto bakarrik utzi duela aurpegiratu dio Juliok. Lagun berriak egiten omen dira horrela, erantzun dio Egañak. Bertso ugari sortu dituzte erretzailetasunaren inguruan. Bertso-saioa ezin ba ke artean igaro…han bildu direnak zein herritakoak diren galdetu dio Andonik. Juliok, geroago, elkarteko bonbilak zer iruditzen zaizkion galdetu dio. Argia gutxi antzean dela baina bertsotarako argia buruak behar duela erantzun dio Egañak. Julio pozik itzuli da Labrit-etik, Jaka-Ezkurdia partida ikusita. Apustuak egin dituzte, eta gero, aizkora izan dute hizpide. Ia ordubeteko saioa osatu dute, lauzpabost doinu erabiliz. Puntutako saioarekin eman diote amaiera.
Bertso-afaria antolatu du Azkarateko Balerdi Elkarteak. Berrogeita hamar bat lagun bildu dira bertara eta afari gozo ederra dastatu ostean Julio Soto eta Andoni Egañaren txanda heldu da. Saioak bi zati luze izan ditu eta bideo honetan ikusiko duzuna lehen zati osoa duzu.
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!