Zarate aldean historia izugarriak ez dira gauzatu; aldiz, historia txiki eta xumeak ugariak izan dira. Paper zaharretan askotan agertzen da Zarate, estraperloari, kirolari eta abarri lotua. Zaraten emozio asko dago eta horietaz hitz egin du Joxemari Oterminek, paraje honetan gertatutako historiak gure belarri eta irudimenera ekarriz.
Eta horrela herrenkadan kontatu ditu batzuk: Gaizkileen mugaldea, bide-lapurrak, Betelutik Amezketara paper bila doan emakumearen historia latza, Albitzuri Aundi harriaren historia, 1892an Amezketan izan zen pelota-eguna... eta abar. Zaratek liburu bat merezi duela esanez amaitu du hitzaldia. Musika: Txomin Artola. Mila-mila esker, Txomin!
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
