Aurtengoan munduko xarelari onenak bertan izango direla esan dezakegu beldurrik gabe, urriaren 15etik 24ra Argentinan jokatuko den XX. Munduko Euskal Pilota Txapelketan parte hartuko duten Frantzia eta Espainiako selekzikoetako pilotari hautatuak bertan izango direlako. Euskal Selekzioa ez da arituko Argentinan, sailkapen fasea jokatu zenean, EEPF ez zelako NEPFko kide, baina Euskal Selekzioa osa zezaketen xarelariak ere VIII. San Migel Xare Irekian izango ditugu, Frantziako eta Espainiako ordezkariei aurre egiteko.
Horrela, Frantziatik, Bruno Driolet, Oxan Halsouet, Andoni Castera eta Jon Lafarge izango dira, eta horiek bikote bat osatuko dute; Espainiatik, berriz, Joxi Lopetegi, Pello Armendariz, Santi Hualde eta Sebas Moncadak izango ditugu, eta horiek bi bikote osatuko dituzte: Lopetegi I-Armendariz eta Hualde-Moncada.
Eta hauei aurre egiteko, arestian esan bezala, XX. Munduko Euskal Pilota Txapelketa jokatuko ez duen Euskal Selekzioa osa zezaketen 3 bikote osatu ditugu: Jon Larronde- Denis Petrissans, Sebas Etcheberri-Oihan Borteyru eta Xuban Lopetegi-Oier Iturbe irurar biko gaztea.
Hortaz, sei izango dira VIII. San Migel Xare Irekia jokatuko duten bikoak,
bi multzotan banatuta:
A MULTZOA
1. Lopetegi I-Armendariz
2. Etcheberri-Borteyru
3. Halsouet-Castera
B MULTZOA
1. Hualde-Moncada
2. Larronde-Petrissans
3. Lopetegi II-Iturbe
Multzo bakoitzak ligaxka jokatuko du, irailaren 4an,11n eta 18an(19:00) Irurako Ametsa trinketean.
Multzo bakoitzeko 2 lehen sailkatuek, finalerdiak jokatuko dituzte irailaren 26an(19:00) San Migel jaien etxaferua eta gero:
1. A multzoko 1.a vs B multzoko 2.a
2. B multzoko 1.a vs A multzoko 2.a.
Eta, VIII. San Migel Xare Irekiaren- Irurako Udala Sari Nagusiaren finala, berriz, urriaren 3an, 12:00etan, jokatuko dute finalerdietako irabazleek.
Finalaren aurretik, 11:00etan, Adospilotako emakumezkoek, eskuzko partida bat jokatuko dute.