Eta mahatsak jan behar hori? Eta erregeak? Eta jaiotzak? Eta begiak mintzen dituzten argiak? Eta balkoietan zintzilik jartzen ditugun lapur gorri horiek? Eta denok on eta onbera izan behar hori? Bueno, ohiturak dira eta... tira... edo ez tira. Ohiturak direla eta pentsatu gabe errepikatzen ditugun horiek benetan zer diren pentsatu eta aztertuko bagenu ez genituzke horietako asko errepikatuko. Baina ohiturak dira eta... eutsi.
Euskaraz ohitura esaten zaio tradizioari, errepikatzearen errepikatzeaz itsasten zaigun ekintza edo jarrera hori. Eta ohitura bihurtu ezkero ia ez dago pentsatu beharrik ere, errepikatu besterik ez. Finean zertarako pentsatu, medioek eta inguruak egingo dute gure ordez. Hori ere ohitura da eta... segi.