Aste honetan ikusi ahal izan dut halaber zeinen erraz ahanzten zaigun gertaeren atzean, irudien atzean, eta baita minen atzean ere, pertsonak daudela, eta pertsonak direla gainontzeko gauza guzti horiek ardazten dituztenak. Ahanzten bazaigu ere. Ahanzten bazaizkigu ere.
Ezbehar bat izan duenari zer esan behar zaion badakienak ezer ez dakiela ikusi dut aste honetan (ere), eta behar bada berak zer esan nahi duen badakiela pensatu dut, eta bestearen ezbeharra erabili duela hori esan ahal izateko, aukera eta entzulea izateko. Eta gustura, harro sentituko dela berak zer esan bazekielako, berak bazekiena esan duelako. Eta ez da ohartu ere egin beste aldeari, ezbeharra lehen pertsonan bizi duenari, ez zitzaiola besteak bazekien hori axola, bere mina, bere sentimentuak eta bere egoera intimoa delako, pertsonala, eta beraz besterenezina.
