Brebetak, hau da, kolegio amaierako azterketak, euskaraz egin nahi dituztela aldarrikatu eta halaxe egin dituzte Seaskako 180 ikasleek. Historia eta matematika euskaraz egiteko eskubidea dute baina zientzia ez. Halere, ikasle guztiek euskaraz egin dute zientziako froga. Desobeditu egin dute, egin dugu. Eta erantzuna berehala etorri da errektoretzatik: azterketa horiek ez zuzentzeko agindu du, nahiz eta aski irakasle elebidun egon hori egiteko prest.
Aldarrikapen hori daramaten kamixeta urdinak inoiz baino urdinagoak egingo dira, ikus gaitzaten, entzun gaitzatela, guk euskaraz segituko dugu eta, legearen barruan kabitu edo ez.
Goizean goiz abiatu dira autobusak Bordelera. Donibane Garazitik, Kanbotik eta Larzabaletik. Gure seme-alabek euskaraz ikastea nahi dugulako, hori besterik ez.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!
