Amaia Ruiz de Galarreta antzezlearen eskutik ezagutuko da museoa. Bisitariek, Tolosako Txotxongiloen etxe magikoa, modu berezi batean ezagutzeko aukera izango dute, ibilbidea esperientzia ahaztezin batean bilakatuz. Esperientzia bereziki haurrei eskainia dago, baita publiko familiarrari ere. Ekaina bitarte, hileko larunbat batean, jardueran parte hartzeko aukera egongo da.
Izena emateko, ezinbestekoa izango da lekua aurretik gordetzea ondorengo telefonora deituta: 943 650 414; edo e-mail bitartez, ondorengo helbidera idatziz: cit@cittolosa.com. Taldeek, gutxienez 5 pertsona eta gehienez 15 pertsona izango dituzte. Pertsona bakoitzeko, helduen kasuan, 6 eurokoa izango da salneurria, eta 12 urte bitarteko haurrentzat, berriz, 4 eurokoa. Apirilaren 22rako aurrez hitzartutako bisita gidatuak bere horretan mantentzen dira.
