Hartu dute autobusa. Herria oraindik ez denean, goiztiar dabiltza. 106 kilometro dituzte aurretik, Bilbo Handia dute jomuga. Ordu eta erdiko bidaia agudo pasatzeko, atzeko eserlekuetan dauden gazteak kantuan hasi dira. Kantu herrikoak abestu dituzte; kantuan jarri dute autobusa.
Errioaren aldamenean utzi ditu autobusak. Berdez jantzita dago hiria; txuri, gorri eta berdez, San Mames Barria. Trikiti eta pandero doinuek dantzan jarri dute sekula dantzatu ez duena ere, talo usain goxoak hamar metroko ilararen atzean jartzea bultzatzen zaitu. Dena da aberkoia.
Aberria maite duten milaka abertzalek hartu dituzte Bilboko kaleak. Milaka buru, sentimendu bat. Guztiak sentitzen dira familia, zuhaitz genealogiko beraren parte. Nazio batek selekzio bat behar duela sutsuki eskatuko dute pankarta baten atzean oihuka jarrita. Iritsi dira futbol zelaira. Bete dituzte harmailak. Jokalarien zain dago ama, zain aita, zain andre eta lagunak. Zabaldu die deiadarra jokalariei. Txalo artean zelairatu dira.
Xiiiiiii. Hasi da Euskal Herriko ereserkia.
Piiiiiiiii. Hasi dira txistuka aurkarien zaleak.
Nik zurekin bai baina zuk nirekin ez
2015ko eka. 7a, 09:00
Egun popan dagoen estiloarekin bat datorren elastikoa jarri dio alabari, bera gazte zenekoa. Azpitik beste bost bat kamiseta jarri dizkio, badaezpada, ez hoztearren. Marroixkak dituen galtza motz zuriak. Galtzerdi gorriak, belaunetaraino igota. Zapatilak. Eta eztarria goxatuko dion buffa. Zitak hala eskatuta, berak ere kamiseta berdea jantzi du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!