Maialen Lujanbiok sinadura hori utzi zuen Euskadi Irratian. Eta badirudi guztiok sinatuko genukeela Cuadrila busca cita emititzez uzteagatik, programazio taulatik desagerrarazteagatik. Eta badirudi lortu dugula, bete dela guztion nahia.
Jasotako eskaerengatik eta sare sozialetan sortutako zurrunbiloarengatik baztertzea erabaki du Euskal Telebistak. Txiokatu dugu gogoz eta harrotasunez elkarbanatu dugu Facebooken programaren aurka. Etxeratu orduko, ordea, urrutiko agintea hartu, bost zenbakia sakatu eta Hombres, mujeres y viceversa ikusten jartzen gara. Edo Granjero busca esposa, edo Un principe para Corina, edo Quien quiere casarse con mi hijo.
Ez alde eta ez kontra. Ez dugu txiokatuko ez eta bertxiotuko saio hauen inguruan. Nola ba? Sekretupean gordetzen dugu gure telebista kontsumo erreala eta plazaratzen dugu irreala. #Auzolotsa sentitzen dugula diogu, baina, izatez, #autolotsa da sentitzen duguna.
Gazte sortzaileen talentua saritzen den lehiaketa da Eikenbank. Cuadrila busca cita txapelketa horren fruitua da. Zer saritzen da? Morboa. Zergatik? Morboa kontsumitzen delako. Kontziente gara oker egiten dugula, badakigu telezaborra kontsumitzen dugula... baina ezin tentaldiari eutsi. Hiperkontsumoaren gizartean bizi gara, non guztia muturrekoa den. Etxeko telebista zintzoa eta zuzena izatea nahi dugu, baina horia dena ikusten dugu. Nola nahi du ikusleak ETBk bizirautea?
Telecincok muturreko genero bortizkeria azaltzen du haurren ordutegian. Eta orain, ETB2 txit akonplejatuak ez duela gutxiago izan nahi eta 'Cuadrilla busca cita' opa digu. Espainiarkeriaren edo italiarkeriaren, edo besterik gabe arkeriaren bertsio lightago bat atrezzo eusko-rustikoarekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!