Motibazioa helburu bat lortzeko abian jartzen den energia da. Noski, helburua lortzeko antolakuntza, plangintza, konstantzia beharrezkoa izango dira. Hauek portaera edo ekintza martxan jarriko dute. Beraz, motibazioa bezain garrantzitsua izango da ekintza martxan jarri eta jarduteko behar den energia eta portaera izatea.
Portaera eta energia honen atzean, emozioak daude. Honela, ekintza baten aurrean, oso motibatuta egon gaitezke, ekintza hori egitean emozio positiboa sortzen digulako baina beste ekintza baten aurrean emozio txarra sortzen digulako desmotibatuta egon.
