Plazaetxeberriren erabilera herritarrekin landu nahi du EH Bilduk

Erabiltzailearen aurpegia EH Bildu Zizurkil 2019ko api. 29a, 18:18

Aurtengo urte hasieran udalak jabetzan hartu du Zizurkilgo herrigunean kokatuta dagoen eraikina.

Plazaetxeberri eraikin historikoaren jabe egin da Zizurkilgo Udala 2019an. “Herrigunearen etorkizunerako urrats handia eman dela uste dugu, aukera berriak zabaltzen dituelako”, azaldu du Maite Amenabar egungo alkate ordea eta EH Bilduko zerrendako bigarrenak. “Datorren legealdiaren hasieran, herritarrekin landu nahi dugu Plazaetxeberriren erabilera zehatza, proposamenak jasoko ditugu eta prozesu honekin, Zizurkil Goiko kultur azpiegitura eta beharren inguruko gogoeta garatu nahi genuke, epe ertaineko bide orri bat zehaztuz”.

Etxebizitzak

Era berean, herrigunean abian diren ekimen pribatuko etxebizitzak garatu ostean, beste urrats bat egitea buruan du koalizioak. “Behin etxebizitza horiek eginda, Udal etxebizitzen aukera lantzeko modua izan liteke, eta horretarako etxebizitza behar errealen azterketa egingo dugu, erabakiak hartu aurretik”.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!