Azken hilabeteetako prozesuak eman ditu bere fruituak, eta Zizurkilgo EH Bilduk osatu du maiatzeko udal hauteskundeetarako hautagaitza. Martxoaren 28an, ostegunean, aurkeztuko da alkategaia Atxulondo kultur etxean, 19:00etan. Ekitaldi horretan izango dira Amaia Azkue, EH Bilduko Batzar Nagusietako hautagaia, eta Mertxe Aizpurua, Espainiako Diputatuen Kongresurako Gipuzkoako zerrendaburua.
Aurretik herriko errealitatea ezagutzeko aukera izango dute. Herriaren erditik trafikoa ateratzeko saihesbidea eskatzen ari den herritar taldearekin bilera egingo dute, besteak beste.
Atxulondo kultur etxeko ekitaldian alkategaia ezagutarazteaz gain, herri programaren lehen zertzeladak emango dira. Amaieran, mokadutxoa ere izango da bertaratutakoentzat.
Zatoz EH Bilduren proiektu berria ezagutzera!