Ez da erreza, ezta ohikoa ere, tamalez, zaintzarekin lotutako horrelako sektore femeninoen kasuan, horrelako pausuak ematea. Baina lehena eman dute. Ikaragarria izan da Iurreamendi egoitzako udaleko emakume langile guztiak elkarrekin borrokan ikustea.
Euren mezua argia izan da, langile bezala lan baldintzen defentsa egiteaz gain, Iurreamendi egoitzak zer behar duen lehen lerrotik jakinda, lan mahaia osatzeko eskatu diote Tolosako alkateari, Olatz Peoni.
Honek, emakume izanagatik ere, osoko bilkuran eman zuen erantzunagatik, ez dut uste ulertzen dituenik. Hori gutxi balitz, aginte jarreratik, bere alkatetzako bulegotik, behatzez, beharrezko prozedura eta batzorde guztiei bizkar emanez, langileen lanpostu aldaketak burutzen hasi da.
Langileak aldaketa hauek geldiarazteko eskatu diote, hitz egiteko eta adosteko eskatu diote.
Oraindik garaiz zaude Olatz, oraindik garaiz gaude, langileei entzun eta elkarrekin, etorkizuneko Iurreamendi osatzeko. Lehen mailako zerbitzu publiko bat eskaintzen jarraitzeko. Ez ahaztu Olatz, Iurreamendi egoitza publikoaren kalitatearen oinarria bertako langileek eskaintzen duten zerbitzua dela, gertukoa, profesionala eta humanoa, hain zuzen. Ez zaitzala kudeaketa pribatuarekiko maitasunak itsutu.
Gelditu, eseri eta hitz egin dezagun, Iurreamendiko emakume langileek merezi dutelako.
Lore Agirre Zipitria
EH Bilduko Tolosako zinegotzia