Lehenik eta behin, benetan eskertu nahi dugu herritarrek Ibarrako EH Bilduri hauteskunde hauetan emandako babesa eta, aldi berean, eskerrak eman nahi dizkiegu lau urte honetan Ibarra hobea eta justuago baten alde lan egin duten herritar eta eragile guztiei.
Herritarren aldetik botoen bidez jaso dugun sostenguak legitimitatea eta indarra ematen dizkigu datozen lau urtetan Ibarra gobernatzen jarraitzeko. Horrela, agintaldi berri honetan, aukera izango dugu orain arteko irizpide eta lan ildoetan sakondu eta martxan jarrita dauzkagun proiektuak bukatzeko, eta horretan ahaleginduko gara buru-belarri.
Nolanahi ere, ez genuke aurrean dugun ibilbide hori guk bakarrik egin nahi eta, orain arte bezala, ongi etorriak izango dira herritar eta eragileen ekarpenak eta parte-hartzea.
Ibarran, 2015eko maiatza.